أغاني شعبية مصرية

كلمات اغنية مستورة معايا – محمد سلطان

كلمات اغنية مستورة معايا

مستوره معايا
وبحمد ربنا واشكر فضله شكر مالو نهايه
مستوره معايا
وكل مااقع وقعه بقوم منها سليم ومرايا
مستوره معايا
ورغم أن في ناس ياما حواليا بيتمنوا أذايا
عيني متكسرتش ومتلطتش فأي حكايه

انا مش مكشوف عني حجاب
ولا متحصن م الأسباب
انا واحد علي ربنا ساب
أمره وراضي بالمكتوب ليه

ظني في ربنا عمره ماخاب
عمره فوشي ماقفل الباب
وراضي بأي بلاء وعقاب
طول منا رامي حمولي عليه

بقابل ألف لئيم ولئيم
وناس قلبها م الغل جحيم
وبطلع منهم صاغ سليم
علشان ربنا عالم بيا
وفحالي ماشي مستقيم
لا يعادي حد ولا ليا خصيم
ولا جيبي دخله حرام مليم
ولا امي كانت داعيه عليا

[the_ad id=”177″]

مستوره معايا
وكل مابتضيق بيا الدنيا بتفرج ويايا
مستوره معايا
وربنا عمره في يوم مانسيني ومبعتش عشايا
مستوره معايا
وببوس إيدي وش وضهر يوماتي واقول في دعايا
يارب ماتحوجني لحد وتجعل كسرة نفسي بلايا

ماشيه معايا عشان انا طيب
وياما فحقي بعدي وسيب
وبقول ربنا عدله قريب
ويابخت اللي ينام مظلوم
لا بلف ولا بدور ولا بكدب
ولابطبل للناس عشان اعجب
وفأذاهم مش بتسبب
مهما أذاني حد في يوم

عملي الطيب قاعد ليا
بعمل خير يتردلي ميه
ومفيش حد بيجي عليه
وبيكسب عشان ابن حلال
كل مارجلي تقع في الخيه
بلاقي اللي بياخد بأيديا
ويوقفني علي رجليا
وفي شدتي يرميلي حبال

● اغنية ● مستورة معايا
● غناء ● محمد سلطان
● كلمات ● عمرو قطب
● الحان ● محمد سلطان و عمرو قطب

رابط على يوتيوب

اترك رد

زر الذهاب إلى الأعلى