كلمات اغنية الهجن الوسمي

كلمات اغنية الهجن الوسمي

الجو طاب وطاب للركض جوه

يا عاشقين الهجن والوقت توه

يا اهل الكرم والجود واهل المروه

تستاهلوا الناموس يا اهل الجمايل

الركض من ماضي العهود القديمة

بين العرب له صيت ذايع و قيمة

يتحضروا له بكل همة و عزيمة

تستاهلوا الناموس يا اهل الجمايل

كلن تهيا وناوين ع المراكز

يبغي التميز لين ما يعود فايز

ناوي على الشارة وحصد الجوايز

تستاهلوا الناموس يا اهل الجمايل

هذي عطايا الله و خير العطايا

حمر النعم متفردة في المزايا

نعمة من المعبود رب البرايا

تستاهلوا الناموس يا اهل الجمايل

مضمرات الهجن يسبي غلاها

عند الذي من حر ماله شراها

راهن عليها فـ سيرها وانتقاها

تستاهلوا الناموس يا اهل الجمايل

واللي ينافس ياعسى السبق فاله

على الذلايل طيبات السلاله

عقب الحفوز يطيب ويروق باله

تستاهلوا الناموس يا اهل الجمايل

كلمات اغنية الهجن الوسمي

كلمات اغنية خير الكلام الوسمي 2021