كلمات اغنية الجرح عيب متعب بن دخنه

كل الجروح اللي من يدينك فدى

مثل الجروح اللي من يدين الطبيب

علاجها بيديك يا قطر الندى

لو كل جرح من يدك فيني عطيب

الا ليا وصلت كرامتنا بدى

جرح الكرامه لو يعالج ما يطيب

قفّيت و لا لي سوى الفرقا جدى

مالي من الدنيا معك حظ و نصيب

حتى لو ان ايامنا راحت سدى

تروح و الدنيا تجيب اللي تجيب

لو انني محتاجك الى ابعد مدى

و اشوف كل الكون من دونك كئيب

لكن مصير الوقت يقسى و يهدى

و دواير الايام ناتجها عجيب

غريب لو ما جاوب الصوت الصدى

دايم مصير الطيّب يكون الغريب

هو عيب رد الجرح على اللي بدى

عادي لكن مثلي يشوف الجرح عيب

صديت عنك طيب ما هو من ردى

بكره تعرف ان صدتي صدّة عريب

كلمات اغنية ياغالية متعب بن دخنه 2021