كلمات اغنية ابن الأصل محمد رشاد
كلمات اغنية ابن الأصل محمد رشاد
متخافش من ابن الأصل
اللي اتربى عالعز زمان
والدنيا لفت بيه كام لفه و داق المر كمان
خاف م اللي جديد عالعز و امبارح كان أصله جعان
هيبعيك أول فرصة
و ساعتها الأصل يبان
متخافش من اللي امبارح متربي قوي كده عالغالي
يعني ابن أصول و رجولة وجدعنه وقت الشده يبان
خاف م اللي جديد ع العز دا اللي ملوش لا عزيز ولا غالي
[the_ad id=”177″]
لما بحتاجله يسيبك
يختفي ولا لحظة يبان
عجبي ع الدنيا اللي تخلي الأصل فلوس
وتكبر فيه و تعلي وكأنه لقى فجأة فانوس
بس متتتغرش قوي أصل الوضع ده كده كده معكوس
اوله نفخة و كدابة
اخرته شكة دبوس
اتعلم تبقى معلم دايما تلعب في المضمون
وانت اللي بترجع تزعل وتقول اصله طلع فرعون
اللي مابيصونش العشرة مايلزمناش وكمان ملعون
خليك مع ابن الاصل
للعيش والملح يصون
آه يا عم دي مهيش دايمة قالوها زمان كده في الامثال
الدنيا دي رايحة و فانية
دوام الحال انساه ده محال
بس الدنيا دي بتعلم والدرس فهمناه واتقال
الاصل ده دايما غالب
والراحة في راحة البال
عجبي ع الدنيا اللي تخلي الأصل فلوس
وتكبر فيه و تعلي وكأنه لقى فجأة فانوس
بس متتتغرش قوي أصل الوضع ده كده كده معكوس
اوله نفخة و كدابة
اخرته شكة دبوس
ياليل ياليلي ياليل
