كلمات اختي السند والطبطبة – عمر كمال
اختي السند والطبطبة
بشم فيها ريحة ابويا
تملي مني قريبة
واحسها في ظروفي اخويا
اختي دي من ريحة امي
وحضنها مفتوحلي بيت
اختي دايما شايلة همي
وحنينة مهما قسيت
بنت ابويا وضهر ليا
قلبها ده مليان حنيه
لما كل الدنيا تقسى
ايديها بتطبطب عليا
اختي روحي وقلبي انا
وارثة من ابويا الجدعنه
واقفة جمبي بألف راجل
جدعة أصيلة حنينة
اختي يعني حتة مني
اختي يعني عين ونني
لو طلبتي نور عينيها
عمرها ما تتخلى عني
اختي رزق من السما
ضهري وانا ليها الحِما
اختي بتنور طريقي
لو كات حياتي مضلمة
تاخدي قلبي وتاخدي عقلي
وتاخدي روحي
يا بنت دمي ايديكي
بتطيب جروحي
اخوكي انا وسندك انا
وضهر ليكي
انتي اللي ليا وانا اللي ليكي
وربنا
تاخدي قلبي وتاخدي عقلي
وتاخدي روحي
يا بنت دمي ايديكي
بتطيب جروحي
اخوكي انا وسندك انا
وضهر ليكي
انتي اللي ليا وانا اللي ليكي
وربنا
لو عايزة حاجة شاوري بس
لو اتضايقتي اديني حس
زي ما انتي حاسة بيا
صدقيني انا بيكي بحس
ده انتي كلي وانتي ضلي
وانتي اجمل شئ فاضلي
افرحي يا بنت أبويا
وخلي ضحكتك تعلي
بنت ابويا وضهر ليا
قلبها ده مليان حنيه
لما كل الدنيا تقسى
ايديها بتطبطب عليا
اختي روحي وقلبي انا
وارثة من ابويا الجدعنه
واقفة جمبي بألف راجل
جدعة أصيلة حنينة
اختي يعني حتة مني
اختي يعني عين ونني
لو طلبتي نور عينيها
عمرها ما تتخلى عني
اختي رزق من السما
ضهري وانا ليها الحِما
اختي بتنور طريقي
لو كات حياتي مضلمة
كلمات / محمد النجار
ألحان / خالد سلطان
توزيع / أشرف البرنس
