كلمات أغنية لما تقول ياعوم – أصالة ومصطفى حجاج

طرحت الفنانة أصالة والمغني مصطفى حجاج أغنيتهما لما تقول يا عوم، الدويتو الخاص بالأغنية الدعائية لفيلم “ولاد رزق 2”.

أغنية لما تقول ياعوم

كلمات أغنية لما تقول ياعوم

لمّا تقول يا عوم عوم لحد البراميل
صفّي أي عركة إوعى تسيب لحاجة ديل
أحسن لك تمشي أعرج وما تسندش على عويل
ساعات كتير الشكل والمظهر يغر

حرّس من صوابعك ممكن كلّه يبقى خاين
كلّنا كلاب فلوس ما تشبّعناش خزاين
عينك في وسط راسك لا يكون منصوب لك كماين
وعشان ما تتّاكلش لازم لحمك يبقى مر

كنّا ظهر بعض ده إحنا حتّى إخوات شقايق
كنا مآمنين لبعض مش مهم مين اللي سايق

هبش نبش وحبش إلا وطب غطس ما قبّش
هتشمّم النار السولار قابل بقى الحرايق

[the_ad id=”177″]

يعملّي البحر طحينة ويجيبهولي في صواني
بس أنا قاطع عليه والكدبة مقرّصاني

ياض ده إحنا اللّي حاطّين الشَعَرَة في العجين
بتغنّي على مين ياض ده إحنا بتوع الأغاني

كلّه بالجني بيتفرد ويتني وبيتهد ويتبني.. خدها بالحداقة ياض
أخد الحق فن مش عافية وعن عن الجّني بقى نمرة ون.. وكّلنا بنزحف وراه

الدّنيا بحر غريق قوي واللّي ما فهمهاش خسر
ولا تبقى ليّن تتلوي ولا تبقى ناشف تنكسر

أغنية لما تقول ياعوم

غناء: أصالة – مصطفى حجاج
كلمات: مصطفى حسن
ألحان: بلال سرور
توزيع: جلال حمداوي
إنتاج: طارق العريان – موسى عيسى

يشار إلى أن فيلم “ولاد رزق 2″، تبدأ قصته بعد مرور 3 سنوات منذ انتهاء أحداث الجزء الأول، حاول فيهم الأخوة الأربعة بشتى الطرق الحفاظ على العهد الذي قطعوه على أنفسهم بالابتعاد عن حياة السرقة والجريمة، لكن حدث واحد يطرأ على حياتهم يغير كل ذلك، ويدخلهم في عوالم جديدة عليهم، ويضعهم في مواجهات شديدة الخطورة مع عدد من المجرمين المحترفين.

وكان الجزء الأول من الفيلم قد حقق نجاحًا كبيرًا عند عرضه فى دور العرض، حيث تدور أحداث الفيلم حول 4 أشقاء يحاولون تنفيذ بعض العمليات الخارجة عن القانون بمساعدة شقيقهم الأكبر والعقل المدبر لهم ولكن بعد فترة يقرر التوبة.

فيلم “ولاد رزق 2” من بطولة أحمد عز، وعمرو يوسف، وأحمد الفيشاوى، وأحمد داود، وكريم قاسم، ومحمد ممدوح، ونسرين أمين، وخالد الصاوي، وباسم سمرة، ومن إخراج طارق العريان، تأليف صلاح الجهيني وإنتاج شركة “RAW Entertainment”.