كلمات أغنية كرزك وزبيبك
من وين اببدا فيك وين انتهيبك
وانا بكل ما فيك مفتون مفتون
ان جيت اببدا في كرزك وزبيبك
اخاف يزعل كحلك وتزعل اجفون
تحكي وانا اسرح في غنى عندليبك
تضحك واحس بضحكتك يضحك الكون
تجلس ويتناثر شذى عطر طيبك
توقف ويوقف قلب وتسمي اعيون
من وين اببدا فيك وين انتهيبك
وانا بكل ما فيك مفتون مفتون
تقبل بطيبك واللقى يستطيبك
ويميل غصن الموز ويغايض اغصون
في خطوتك هيبة ملك واستهيبك
كنك الحالك والملا معك يمشون
تقبل علي ومن غلا احتفيك
وتفز كلمة مرحبا الساع مليون
وان رحت عني حرت وين اشتكي بك
وبخاطر مكسور لك قلت بالهون
من وين اببدا فيك وين انتهيبك
وانا بكل ما فيك مفتون مفتون
ما بيني وبيني بديت استغيبك
اغتاب بعدك وانت والله ما تهون
بيني وبينك قلت ربي حسيبك
وشلون تترك ظاميك وانته امزون
صاحبك ميت شوق صار يهذيبك
مرات يهذي بعقل وامرار من دون
ويقول انا صاحبك والا حبيبك
مجنون مثلي والا انا بس مجنون
من وين اببدا فيك وين انتهيبك
وانا بكل ما فيك مفتون مفتون
ليت الطريق اللي سرى بك يجيبك
ليته يحس بلهفة الشوق وشلون
ما فيك عيب الا البعد صار عيبك
والا انت في كل شي مزيون مزيون
شفتك وعيا القلب لحظه يسيبك
اما معاك يكون والا فلا يكون
من يومها حطيت قلبي في جيبك
يعني غديت لصاحب القلب مديون
من وين اببدا فيك وين انتهيبك
وانا بكل ما فيك مفتون مفتون
ان جيت اببدا في كرزك وزبيبك
اخاف يزعل كحلك وتزعل اجفون