الشيخ امام كلمات الأغاني
ع المحطه الشيخ امام
ع المحطة
ع المحطة
و اللي شفته ع المحطة
طلعت الخفة
أم شنطة
سلم الأتوبيس بنطة
حتة ملعب
و الأكادة
ف القوام و الحسن بطة
هي خشت درجة أولى
و الكراسي بقت منطة
سابو تانية و غلب تانية
و القطيع على أولى خطي
اللي يصبش ف الجونلة
واللي يعلى
و اللي يوطى
بص واحد م اللي هما
دمعم فلفل و شطة
شاف صنايعي
ف البريمو
قال له خش هناك
يا أوسطى
تانية
انسب للي زيك
دي الحقيقة
بلاش مغالطة
لسطى قال له
يا عم زوق
دي الحياة تحب المباسطة
و انت شايف
مش مغمض
حاجة ملبن
حاجة قشطة
و لا يعني الكون حيخرب
لو فقير
يلهط له لهطة