صحاب زمان كلمات ساندي وريشا وسماره
كلمات أغنية صحاب زمان – ساندي وريشا وسماره
يا صحاب زمان
راحت فين أيام زمان
الناس الحلوة والجيران
والله وحشتوني
انتوا الناس الطيبين
ولا غيّرتها السنين
لما غيبت أنا عنكوا يومين
أنا قولت انتوا نسيتوني
في الشوارع والحواري
والحكاوي عالقهاوي
اللي فيها ذكرياتي
السعادة في البساطة
وسط ناسي مفيش ألاطة
الشياكة والالاجه
هما دولا أغلى ناس
هنجمع الحبايب
يلا نرن عاللي غايب
عاللي صاحي واللي نايم
واللي بقالو كتير مجاش
والله كانت أيام جميلة
امتى ترجع بس ليلة
لم العزوة لم العيلة
هنا حب الجدعنة والأصول
هنا دول بيحبوا الخير لدول
هنا مش هتلاقي واحد يخون
هنا كله تمام
في ما بينا حاجات ما بتتنسيش
ضحك وهزار ما بينتهيش
هنا ناس أنا لا غيرهم ماليش
وأجمل أوقات
طب عاملين ايه أراضيكم فين
ده انا بستنى أي مناسبة نتجمع فيها
وحشاني قعدتكوا واللمة في بيتكوا
ده كفاية هزارنا وأيامنا
اللي أنا عايشة عليها
يا صحاب زمان
راحت فين أيام زمان
الناس الحلوة والجيران
والله وحشتوني
انتوا الناس الطيبين
ولا غيّرتها السنين
لما غيبت أنا عنكوا يومين
أنا قولت انتوا نسيتوني
كل سنة وانت طيب
انت فين يابو قلب طيب
لو بعيد ومش قريب
ده انت وحشني من زمان
اديني مسد عالموبايل
اللي بينا مش قليل
ما انت اخويا عليا مايل
اوعى تقطع السلام
لعب الكورة للفجرية
الفرقة الجامدة المية مية
والساعة الحلوة اللي هي
هنا بيحلو الكلام
منطقتي باللي فيها
كل سنتي وشبر فيها
ليا ناس اتشرف بيها
واللي مني ناس تمام
وهنا أصلي وفصلي ودنيتي
هنا شارعي وبيتي وحتتي
هنا ماضي وعمري بيبتدي
هنا مكاني ومنطقتي
هنا أهلي وناسي الطيبين
هنا عشرة قديمة ومن سنين
عالخير مع بعض متربيين
هنا كل صحابي وشلتي
تحويشة العمر
فعنيكو السمر
دي الضحكة من القلب الصافية
بتطلع وياكوا
وحشني كتير صغير وكبير
ده مسير الأيام
تجمعنا من تاني على خير
يا صحاب زمان
راحت فين أيام زمان
الناس الحلوة والجيران
والله وحشتوني
انتوا الناس الطيبين
ولا غيّرتها السنين
لما غيبت أنا عنكوا يومين
أنا قولت انتوا نسيتوني
