شيلة ياجميله قام يطوي الحال طاوي كلمات

كل دار ارجعت وانا سناوي
عزتي للي سواتي عزتي له
زادت الحمى ورحنا للمداوي
والمداوي زود الحمى مليله
ياجميله قام يطوي الحال طاوي
والله ان كبدي على شوفك غليله
والله ان قلبي على الاما شفاوي
غير مافي يدي ولا فيدك حيله
سجليني في علم حبك فداوي
انا مجنونك عقب مجنون ليلى
يارقبت الخشف ياعين النداوي
ياسراجيف الذلول المستحيله
يامناة تنقصر عنها المناوي
ياخيار الدهم يالقب الاصيله
لعنبوك انتي مكاسر عود جاوي
ملبسك سندس شرابك سلسبيله
لو تمرين الشيوخ اهل الفتاوي
عودو مثلي يجرون الطويله
من عشق شرواك والا لايهاوي
التقيد من بعض الاشياء فضيله

[the_ad id=”177″]