شيلة ياجعل مدات الليالي كريمه كلمات

كلمات شيلة ياجعل مدات الليالي كريمه

ياجــــعل مــدات الليـــالي كريمـــــــــــه
ويطيــح وسـمٍ كـم تمنيتــــه يطيــــــــــح
يمطــرعلى شـعور الغـلا والحشيمـــــه
اللي من اللـــهفه اجفــاف ومجاريــــح
عـامين مـرن والمرابـــع هشيمــــــــه
لا بلــــها مـــاطر ولاهبهـــا ريــــــــــح
وعـامين جــو الشعر ماضـم غيمـــــه
وبـرق الحيـاء ماشـق قـدم المراويـح
والخيـر مقبـل والهقـــاوي عظيمـــــه
وللنفس طيـر وللمنــاوي ملاويـــــــح
وفي مامضى مالله كتب لـي قسيمـــه
ويمة مهب الريـح كـم جرحٍ يصيــــح
يانـاس مافي الصدق عيب وجريمـــه
وانا قصيـدي رسم مــاهو ب تلميـــح
رسمت لـي صوره عليها وسيمــــــه
تقرابها النخبـه عن اللبس توضيــح
من مصنع افـــكاري حبـكت العديمه
وسيجتها بسيــاج والها مفاتيــــــــح
ياهاجسي خذها من أرياء حكيمـــه
وارسم تعابير الأدب دون تجريــــح
احفظ لسانـــك لا غدت منك ريمـــه
واطلب عوضها في صلاه التراويح
اما كذا… ولاكذا … مستقيمــــه
ولا فيه خاطر ما يبي هبه الريح
ان جابها الله والمشاعر سليمـه
يبغى لها حمـدٍ و شكرٍ و تسبيـح
وان ماكتبها الله ف لابه هزيمه
حنا بشر نحتـاج ونقوم ونطيـــح
و لنا مع الايـام ذكرى أليـمـــه
ولنا ليالــي من سعدها مفاليـح