شيلة طرف الليل فيصل المداريه كلمات
كلمات شيلة طرف الليل فيصل المداريه
طرّف الليل والأشواق حرّاقه
والمواعيد ملّت من تحرّيها
كل ماوايقت عيني مع الطاقه
تلمح وجيه تبغاني .. ولا أبيها
مالها لا جمل عندي ولاناقه
كل عينٍ تلد لعين غاليها
ماثنى عرق صدري فوق خفّاقه
غير مهرة عقيدٍ عند راعيها
بنت قومٍ على الوقفات سبّاقه
تعرف فعولها .. قدام أساميها
الطواري تمر ابها على فاقه
حي طاري الغرام !! وحي طاريها
[the_ad id=”177″]
بعد غيبة شهر للوصل مشتاقه
كابرت لين جاب الشوق تاليها
أقبلت للقاء والعشق توّاقه
كل غصن إيتثنى من تثنيها
خلّت أطول ظفايرها على الساقه
كنّها الليل والصبح امتقفّيها
غيمةٍ من حقوق الوسم منساقه
دكّها البرق .. وأشتبت مثانيها
أستباحت حشاي !! وقدّت ارواقه
وأمطرت في ضلوعي .. عز واليها
قالت : البعد هزّ الغصن واوراقه
قلت : حبلٍ خذا الدلو بعراويها
أعطي الطير حريته ومسباقه
ودّه يصيدها .. والاّ يخاويها
لكن ( الورده الحمراء ) من الباقه
أخذي العمر يفداك .. وعطينيها !!
كلمات : مطلق بن شويه
ألحان هندسة و مكساج : ناصر الشيباني
