كلمات شيلة خطيط يولي

الجو برد مالنا عذر ياعيال
وراعي الولع من شوفة المدن ملي
متعافيين وساتر ربك الحال
ومن التجاره شاطبين السجلي
نبي ديارٍ ينقطع فيها الإرسال
لوكيشن الموقع ( خطيطٍ يولي )
قبل غروب الشمس نختار منزال
في خايع نبته خزاما وفلي
وليا قرينا الورد مع خير الأقوال
ونادى مناد الحق قمنا نصلي
وحكر لنا من طيب البن فنجال
اللي يمينه جعلها ماتشلي
وجاء للسوالف دور مع راحة البال
والكل منصت خاطره مسفهلي
ما قاطعه واحد يكلم بجوال
ولا غشيم للمسولف يعلي
سوالف تخلوا من القيل والقال
وبالدين وسلوم العرب ماتخلي
ما للعمل طاري ولا جمع الأموال
الا علوم للنشاما تسلي
هذي طراة العمر ياطيب الفال
وش عاد باقيلي من العمر قلي

شيلة خطيط يولي

كلمات الشاعر : جازي سلمان السليمي
تصوير : احمد الفنيدل
تسجيل : استديو مكس برو حائل
توزيع ومكس : عبدالله ال رضوان
مونتاج : سلطان الرفاعي