كلمات اصبري ياشرحة الروح والقلب الدموح

اصبري ياشرحة الروح والقلب الدموح
وامسحي دمعة عيونك باناملك الرقاق

لو تعذبك الليالي وتتعبك الجروح
انتي اقوى من جروحك ولو ضاق الخناق

يالاصيله لاتضيقين والدنيا فسوح
مايليق الضعف وانتي معربـّة العماق

والله ان صدري وانا شايلن همك يفوح
ولو يساق الزاد قدمي منعته لايساق

اخذي ضلوعي دعايم لسدك لايبوح
وشمريّ بي كل همـّه لصعـب ٍ مايطاق

[the_ad id=”177″]

لايهمك شي ماني على اسعادك شحوح
والله لو انك لهايب خذيتك بالعنــاق

نبرتك وانتي تقولين تكفى لاتروح
كنها شلفا معزى على الضلع الدقاق

وابك انا وشلون اخليك يالوجه الصبوح
وانا لو افقدك ساعه علي الكون ضاق

انا خيـّالك وخلكّ وعاشقك النصوح
وانا واقف لك محبه على ركبه وساق

مااعرف الا التضحيه والشهامه والوضوح
والوفا والمرجله والغلا والاشتياق

انتي مفتاح ارتياحي وضحكات المزوح
وانتي لاروقّ مزاجك مزاجي معك راق

مثل ماانتي واثقه فيك قلب وفيك روح
والله انك ياغناتي بوجهي من الفراق

الوليد ال عامر

كلمات : عبدالله السمين
تسجيل : تون لايف

رابط الاغنية على اليوتيوب

المزيد من كلمات الشيلات