سبيل المحبة كلمات محسن ال مطارد

كلمات أغنية سبيل المحبة  محسن ال مطارد

يا سبيل المحبة خابرك
خابرك نهر جاري
شحّت فياضك العذبة
وصارت مريرة

يرزم الرعد وبروقه تنير الغداري
ويكشف الصدر عن ما يكتمه في السريرة
قدم عيني من الذكرى القديمة تجاري
دربي اللي مسكته ناويٍ يمّ ديرة

في يمينه ربيع وفي يساره براري
بين هذي وهذي مجرياتٍ مثيرة
يا سبيل المحبة خابرك نهر جاري
شحّت فياضك العذبة وصارت مريرة
يقصر الشوف ولاّ كان شفت الحذاري
من غرام الوليف اللي جروحه خطيرة

في جماله لا بالله ما لقى له مباري
يجذب العاقل اللي مستنير البصيرة
فيه من طلّة البدر المكمَّل مواري
وكاسبٍ من ظلام الليل لون الظفيرة

كم عنينا لقربه والفراق اضطراري
اشعل البعد نارٍ في ضلوعي سعيره
انت يا من سرقت البال والليل ساري
أصبح الحال يمضي فوق نفس الوتيرة

يكفخ القلب لا جالك مع الناس طاري
واتظاهر يا ذاك انّي في موضوع غيره
جعل يسقى وصالٍ غيّبته الذواري
يوم عهدك قريّب والرسايل قصيرة
يوم عهدك قريّب والرسايل قصيرة