باقي بدري حسين العلي

باقي بـدري خـذ كـفـايتـك بعذابي……….. لا يـوقـف خـنـجـرك حــتى أمـوت

خلني أنزف لك سنين اغتـترابـي……….. واصرخ بقسوة على وجه السكوت

ما خـذلني غـير حـلم قـد سرابــي……….. من مـهـادي فـوق أسـوار البـيـوت

يا ما عشمني وزخرف لي شبابي……….. يـا مـا واعـدنـي يـلـبسـني بـشـوت

خذ حضوري وابدا علمني غيابي……….. مـا أبـي فـرصـة نـهـايـاتي تفــوت

الـربيع اللـي وعـدني مـا درابــي……….. مـا بـقـى للطــير في دنـيـاي قـوت

زد جـراحـي يـا معلمني صوابـي……….. وش على بحرك من آلآم اليخــوت

البخت مـا يـوم حـس ودق بابــي……….. يـا عـسـى بـابـك تـزيـنـه البخــوت