كلمات امي يا امي مايا دياب

القصة اللي بدي أحكيها
واللي قلبي عايش فيها
فكرتها كذبة طلعت حقيقة
بعرف انت مانّك مثلهم
لكن عندي أجمل منهم
بيكفي انو عيونك بريئة

آه إمّي يا إمّي
حدّك أنا بقوى على ضعفي تا اقدر كفي
وآه إمّي يا إمّي
انت الحب اللي خلاني اتحدى خوفي

لو قدروا الوقت يردوا لي الوقت
وارجع اختاره من جديد بختارك انت
يا كل العمر شو نفع العمر
من دونك هالدنيا بتبقى ناقصها عطر

آه إمّي يا إمّي
حدّك أنا بقوى على ضعفي تا اقدر كفي
وآه إمّي يا إمّي
انت الحب اللي خلاني اتحدى خوفي

هل القصة اللي من قلبي حكيتها
والطريق الصعب اللي مشيتوا
هيا بحياتي أجمل حقيقة
بعرف انت مانّك مثلهم
لكن عندي أجمل منهم
بيكفي انو عيونك بريئة

من أصعب اللحظات اللي بتعيشها الأم بحياتها هي اللحظة اللي بتعرف إنه بداخلها طفل مريض أو رح يخلق قبل وقته مع كل مشاكل الولادة المبكرة.. وممكن ما يقدر يكمل الحياة إلا بمرض معين ومشاكل صحية ما بحسّ فيها إلا هي..”إمي يا إمي” أغنية بقدمها لكل أم عانت وشفيت من معاناتها ولكل أم بعدها عم تعاني مع طفل خلق قبل وقته الطبيعي بمشاكل ما بتخلص كل الحياة، ‎شكر كبير لكل شخص شاركني هالرسالة بهالعمل اللي بتمنى يوصل لقلوبكم متل ما وصل لقلبي..

“إمّي يا إمّي ” تم تنفيذها بالتعاون مع Neonatefund و AUBMC