اللي بينا حياة كلمات عمرو دياب

كلمات أغنية اللي بينا حياة – عمرو دياب

اللي بينا لحظة حلوة عيشتها لي كلمة
بعتها لي في وقتها ما بينا ميت مكالمة
اتصالحنا واتخاصمنا فيها ألف مرة
بس بردو بابتسامة تحلى ليلة مُرّة

اللي بينا سندة وقفة قعدة
صُحبة رحلة سحلة باعتة
ضحكة راجّه القلب راجّه بعد نكته جامدة
اللي بينا أحلى وقت وأحلى عُمر عدّى

اللي بينا غنوة حلوة بتفكرني بيك
فيديو كل ما اشوفه بضحك من قلبي عليه
المذاكرة المعافرة الحنين لناس مسافرة
العزومة أحلى سُفرة صورة علينا شاهدة

اللي بينا ليلة عيلة لمَّة
لما قولنا بأعلى صوتنا المصريين أهما
احنا وقت الشغل جد وساعة اللعبة هدّة
واللي بينا أحلى وقت وأحلى عمر عدّى

والله والله
اللي بينا ما يتقدَّر
والله والله
عمري ما هنسى ومش هقدر
ده اللي بينا حياة وأكثر
ده احنا اللي بينا حياة وأكثر

والله والله والله
اللي بينا ما يتقدَّر والله والله
عمري ما هنسى ومش هقدر
ده اللي بينا حياة وأكثر
ده احنا اللي بينا حياة وأكثر