الغياب هادي كلمات بن جابر

الغياب وسبة الفرقا وتأنيب الضماير
هي عذاب المبلي المشتاق لا من غاب خلّه

ايتعزز لو يذوق الموت ويشوف العزاير
كل ما جاء يهتني سيف الجفا خله يسلّه

واحد تعطي على لاماه والشوفه بشاير
ترتجي منه الوصال وتتقي منه المذلّه

لو يعرفون العرب شيٍ تخفّيه السراير
ما حكو فيه البشر كثر الحكي دقه وجلّه

اعشقه ماني على حبه جزوع ولا مخاير
ولا عرفت اقطع وصال الحب من حبّه لا باللّه

شوفته تسوى الذهب ومقابله يسوى عماير
والغلا والزين في شرواه فرض الا جبلّه

لين شفت اقدامه لدرب الجفا قد هي تساير
يهتدي درب الفراق ونيته غصبا تتلّه

يا سرابٍ مع مهب الريح في اللجه تطاير
يا اوهامٍ عشت في رجوى لقاه وفيه علّه

ليه في درب الهوى يا اغلى الحبايب صرت جاير
وليه لا وثّقت لك حبل الوصل دايم تحلّه

والله اني ما اتبع المقفي ولو بعده خساير
ولا اتبعت رجلي خطا المقفي ولا دربه تدلّه

أثر صدق أهل المحبه في الهوى عَميَ البصاير
‏امحق الله سعيهم ماهم على مذهب وملّه