اتعدى حدودي كلمات هيثم شاكر

كلمات أغنية اتعدى حدودي – هيثم شاكر

آه يا قلبي عاللي لما عدَّى
جنبي رحت فيها في الميعاد ده
عقلي جاب وودّى توهت وانا ويّاه

ألف ضمة فوقها ألف شدة
نفسي اضمها له مرة واحدة
حالة مستجدة كان سببها لقاه

أتعدى حدودي ولاّ استهدى
لا انا حمل مقاوحة ولا مناهدة
ولا في اتفاقية ولا معاهدة
ولا وعد معاه

أتعدى حدودى ولاّ اتأنى
ولاّ اعقل واتقل واستنى
ولو الصنارة غمزت سنة
مش هستناه

رمشه زي طُعم رحت بالعه
جابني بيه يوميها ويّا دلعه
شوق ولهفة ولعوا فيا واعمل ايه

بصة منه لما ورَّهالي
هز فيا زي فولت عالي
ايه هيجرى ليا لو لمست ايديه

أتعدى حدودي ولاّ استهدى
لا انا حمل مقاوحة ولا مناهدة
ولا في اتفاقية ولا معاهدة
ولا وعد معاه

أتعدى حدودى ولاّ اتأنى
ولاّ اعقل واتقل واستنى
ولو الصنارة غمزت سنة
مش هستناه