ابتلينا احمد شاكر

ابتلينه بدنيا غبره وبخت مايل
ابتلينه بصحبة چذبة وعشق فاشل
ابتلينه بطيبه جابت بس مشاكل
قلب صافي چنه جاهل
عين صلفه ودمع سايل
دنيا بينه تمشي سرعة وماكو نازل

وضاع العمر بالخوف شفنه وبعد شنشوف
ما يثمر المعروف وما تنملي العين
لتكَلي حبي يدوم لا تحچي بالمرحوم
بالزايد شچم يوم وتلكَانه ناسين

[the_ad id=”177″]

بعد ماكو أحباب يا دنيا نوافي
لا عين هوايه شفتي بعد كافي
حتى روحي تريد تصعد على أكتافي
أبد متصيرلنه عبره ويانا كلمن اخذ فتره
واحنه خلصنه عمرنه بس نجامل

وضاع العمر بالخوف شفنه وبعد شنشوف
ما يثمر المعروف وما تنملي العين
لتكَلي حبي يدوم لا تحچي بالمرحوم
بالزايد اشچم يوم وتلكَانه ناسين

ماكو حوبة لا لزاد ولا لعشره
أعز ناسك هسه عادي لو تغدره
زين لتسوي البشر متشوف شره
عمر خلص بالمصايب شفنه بالدنيا العجايب
ألف هم واحدنه هسه بقلبه شايل

وضاع العمر بالخوف شفنه وبعد شنشوف
ما يثمر المعروف وما تنملي العين
لتكَلي حبي يدوم لا تحچي بالمرحوم
بالزايد اشچم يوم وتلكَانه ناسين