أنا معك فالح بن فصلا كلمات

كلمات أغنية أنا معك فالح بن فصلا

لا يلحقكْ يا نظر عيني من الوقت خوف
انا معك ما لحقني خوف طول العمر
بين اتفاق المشاعر واختلاف الشفوف
نحاول إن المحبة في القلوب تعمر

انتي حبيبة شجاعٍ ما التفت للضعوف
وانتي مليكة من يشوف أُمنياتك امر
لك وسط عيني مكان و وسط قلبي رفوف
ولك بين حدب الظلوع العوج درب وممر

واسالك وش كثر حبك
لي تقولين شوف شوف
وتطالعين السماء والغيم لين انهمر

ياللي سلامي معك ماهو مصافح كفوف
إلا مصافح خدود وشفتينٍ حمر
منتي بجادل ولا فاتن ولا انتي بهنوف
انتي من المسك مدري الورد مدري الخمر

محتاج صوتك ومحتاجك ومحتاج اشوف
حاجات واجد ما تطري لين أشوف القمر
الله يديم المحبة واللقى والظروف
ظروفٍ تزيد حبك جعلها تستمر

واسالك وش كثر حبك
لي تقولين شوف شوف
وتطالعين السماء والغيم لين انهمر