تحب تغيب واوقّف على بابك
اباوقّف عسى بعض الشعور يصيب

انا ماهمني لو طوّل غيابك
انا اللي همني وشفيك صرت تغيب

ولامره سألت وقلت وش جابك
لانك تعرف ان صدق الغرام يجيب

تجاهلني وانا عانيت باسبابك
شعور الفقد والتصديق والتكذيب

تكلم قول ياخي مابرد اعصابك
ضميرك ماتهزه لحظة التأنيب

يخبرك الزمن عن قيمة احبابك
ليا منّه جرحك وماقدرت تطيب

انا احبك وانا اكثر واحد اولابك
ومن نفس الشعور استاهل التعذيب

عطيتك كل شيٍ يلفت اعجابك
قبلت احساسك البارد وانا مانيب

عيونك ماستحت من رعشة اهدابك
اذا وقّف نداها بين شك وريب

ولاحاكت ورودك صفحة كتابك
عن الخذلان وشلون الشعور يخيب!

كلمات شيلة تجاهلني عمار الكوفي و فهد بن فصلا

كلمات : محمد بن عفيفه