كلمات الاغانيكلمات الشيلات

  كلمات سود العيون نياف تركي

كلمات شيلة سود العيون نياف تركي

وجودي على حيٍ سنحناه ما جيناه
اشوف المباني مير انا خطوتي عجله

وجودي على شوفة لطيف الحشا وجداه
وجود الكسير اللي مشى الكسر مع رجله

ليا جا ينام اكسور عظمه بقت تشظاه
يجر الونين و ونته ما تفرج له

على صاحبٍ لو قلت ابا انساه كيف انساه
قضى العمر في حبه وانا صابرٍ لا جله

عشيرٍ جرحني بالهوى جرح من يرفاه
بسود العيون اللي هدبهن غطى نجله

على حجر عينٍ كنه البرق من منشاه
على ساقيت ندراً من الوسم مندجله

بردها على روس النوازي تقسم ماه
مطرها حقاق وسيل ماها هذا عجله

تقض الحزوم وكل وادي سرا بملاه
يزلزل بها الرعاد والمزن يفلج له

وانا اقول ياويل المهاوي منه ويلاه
وانا منه ويلي لو هرج لي وانا اهرج له

والا يا حلّي اللي اليا اوحا وحى جلاه
تقود الاوايل والغزيّل تعروج له

تقود الجوازي عن وطى الحزم مع مقراه
وتربّ القفور اللي غطت نبتها العجله

والا ياعيون مقرنسن عالي مجناه
تنهض بعد شاف الحباري تدارج له

توايق على جوٍ خلا طايل مرعاه
ليا الخرب واقف والحباري تهادج له

والا ياغزال الريم انا منك في مأساه
احبك ورحي من سبايبك منسجله

ترفق بحال اللي بلي بك وشف بلواه
وقلّه يجي والا انت سج القدم واج له

يابو لبّةٍ كنه شعاع القمر حلياه
ويابو كفٍ ابيض من بياضه زهى حجله

كلمات شقير الجذع
أداء نياف تركي
هندسة صوتيه ناصر الشيباني

رابط الاغنية على اليوتيوب

المزيد من كلمات الشيلات

قد يعجبك أيضاً
زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock