كلمات اغنية ايام سيف اليوس

حبيت الدنيا رفضتني
ياما خلتني أخاف أرضى بالمقسوم
حكاوي الشارع حضنتي
ياما دوقتني خوف وكاش مش معدود

دنيا النفاق فيها بيجيب صحاب
وفيها الفقر هينقيهم لك
دنيا الرغاي فيها صاحب كذاب
صاحب الفعل ما بيقولش جملة

داري متداريش في الحالتين
العين بصاصة وهتجيبنا الأرض
يابا ما تحاسبنيش ما كده كده
هتحاسب زيك يوم العرض

عيشنا ياما ومنسيناش
مين فيكو شاري ومين باع
عشرة دامت وانا مرتاح
ولما وقعت قالوا وداع

أيام فاتت وفهمنا
اخركو نسلم صدفة
أيام فاتت وفهمنا
الفاتحة على روح الصحبة

لما مدينا ايدينا ليكو عضيتوها
لما مدينا ايدينا عليكوا فجأة قدرتونا
دنيا امتحان ابليس وولاده بيغششوني غلط
يمكن يحلوني لما أروح أحدفهم بالزلط
رقصت سلو مع الخطر مصايب نزلت مطر
خريج منطقتي وتقديري كان امتياز ودكر
زاملت الناقص زودته ينكر لو يقدر
مش شرط عشان الكل بيعجز
يبقى أكيد الكل حيكبر

داري متداريش في الحالتين
العين بصاصة وهتجيبنا الأرض
يابا ما تحاسبنيش ما كده كده
هتحاسب زيك يوم العرض

عيشنا ياما ومنسيناش
مين فيكو شاري ومين باع
عشرة دامت وانا مرتاح
ولما وقعت قالوا وداع

أيام فاتت وفهمنا
اخركو نسلم صدفة
أيام فاتت وفهمنا
الفاتحة على روح الصحبة