كلمات أغنية جابها فراسو – زكرياء الغفولي

ميات تخميمة وتخميمة
ولا زربة وتقديمة
قالوها من ديما
مراية الحب عمية

لبس على قدّك يواتيك
بغي اللّي يبغيك
واللّي تعفّر عليك
باي باي بسلامة

ومالو جابها فراسو
حبيبي جابها فراسو
هو اللي بيا جابها فراسو
يا ويلي جابها فراسو
على عيني جابها فراسو
فالحب تعدا قياسو
وناري جابها فراسو

اختار اللّي توبو من توبك
يقبلك بعيوبك
أمّا اللّي يشوف الفوق
غير فوتو عفاك

وشوف بعويناتك وفرّق
لا تعلّق فين تفلّق
انت تغرّب هو يشرّق
ما مفاهم معاك

خود اللّي عنده السّاس
وحال عينيه فالخير
ما يغرّك زواق الكاس
لا كان مغشوش كيطير

الزين لا زين لفعال
والقلب الصافي حليب
أما اللي يشوف غي المال
عنداك ديرو حبيب

ومالو جابها فراسو
حبيبي جابها فراسو
هو اللي بيا جابها فراسو
يا ويلي جابها فراسو
على عيني جابها فراسو
فالحب تعدا قياسو
وناري جابها فراسو
جابها فراسو