شيلة طال السفر كلمات حسين ال لبيد

طال السفر والصبر متعبه الوله
‏وانا على كتفه تساندت وغفيت

‏ياذا الطريق اللي سريته مطوله
‏كلما انتهابي اشعر ان توي بديت

‏وذاك المكان اللي تعبني ل اوصله
‏طافت مواعيده ولا فيها اهتنيت

‏واردتني الحيرة بكثرة الاسئلة
‏لين ان عنها بين ربعي التهيت

‏مر الزمن يلوي الوصل ويعدله
‏واكبر على مره ولا يوم اشتكيت

‏شفتك ومدات اندفاعك مذهله
‏وانا بحاجة مدتك يوم ان جيت

‏دامك مبين الناس راعي اوله
‏فانته ترى باقصى الطموحات ارتكيت

‏معك ابتديت القى لنفسي تكمله
‏يلي معا غيرك عجزت ومالقيت